Take a fresh look at your lifestyle.

കുതിച്ചുയർന്ന് ഇന്ധനവില; പെട്രോള്‍ വില 88 ലേക്ക്

0

തിരുവനന്തപുരം : രാജ്യത്ത് ഇന്ധന വില ഉയരുന്നു. പെട്രോളിന് ലിറ്ററിന് 25 പൈസ കൂടി. ഡീസലിന് 26 പൈസയും വര്‍ധിപ്പിച്ചു.

ഇതോടെ കൊച്ചിയില്‍ ഒരു ലിറ്റര്‍ പെട്രോളിന്റെ വില 85.97 രൂപയായി ഉയര്‍ന്നു. ഡീസല്‍ വില 80.14 രൂപയായിട്ടുണ്ട്. തിരുവനന്തപുരത്ത് ഒരു ലിറ്റര്‍ പെട്രോളിന്റെ വില 87 രൂപ 63 പൈസയാണ്. ഡീസല്‍ വില 81.68 രൂപയാണ്.

ഈ മാസം ഇത് ആറാം തവണയാണ് വില ഉയരുന്നത്. ഇന്നലെയും പെട്രോളിനും ഡീസലിനും 25 പൈസ വീതം കൂടിയിരുന്നു.

അന്താരാഷ്ട്ര വിപണിയില്‍ എണ്ണ വില കുറഞ്ഞിരിക്കുന്ന സാഹചര്യത്തിലാണ് വീണ്ടും രാജ്യത്ത് എണ്ണക്കമ്പനികള്‍ വില കൂട്ടിയിരിക്കുന്നത്. പെട്രോളിന്റെയും ഡീസലിന്റെയും ഇറക്കുമതിച്ചുങ്കവും ക്രൂഡ് ഓയില്‍ വിലയും അടിസ്ഥാനപ്പെടുത്തിയാണ് ഇന്ധന വില നിര്‍ണയിക്കുന്നത്.

Leave A Reply

Your email address will not be published.