വീടിന് മുന്നിലെ ​ഗേറ്റിൽ കുടുങ്ങിയ തെരുവുനായയെ രക്ഷിച്ചു

പെരുമ്പാവൂർ: വീടിന് മുന്നിലെ ഗേറ്റിൽ കുടുങ്ങിയ തെരുവുനായയെ രക്ഷിച്ചു. പെരുമ്പാവൂർ വല്ലം സ്വദേശി പി പി നബീസയുടെ വീടിന് മുന്നിലെ ഗേറ്റിൽ കുടുങ്ങിയ നായയെയാണ് പെരുമ്പാവൂർ അഗ്നിരക്ഷാസേന രക്ഷപ്പെടുത്തിയത്.

തിങ്കളാഴ്ച രാവിലെയാണ് സംഭവം. ഗേറ്റിലെ കമ്പികൾക്കിടയിൽ കുടുങ്ങിയനിലയിലാണ് നായയെ കണ്ടത്. തുടർന്ന് വീട്ടുകാർ അഗ്നിരക്ഷാസേനയുടെ സഹായം തേടുകയായിരുന്നു. സ്റ്റേഷൻ ഓഫീസർ എൻ എച്ച് അസൈനാരുടെ നേതൃത്വത്തിൽ ഹൈഡ്രോളിക്ക് സ്‌പ്രേഡർ ഉപയോഗിച്ചു ഗേറ്റിലെ കമ്പികൾ അകത്തിയാണ് നായയെ അ​ഗ്നിരക്ഷാസേന പുറത്തെടുത്തത്.