കന്നഡ നടൻ സമ്പത്ത് ജെ റാമിനെ (35) വീട്ടിൽ മരിച്ച നിലയിൽ കണ്ടെത്തി. ബംഗളൂരുവിലെ നേലമംഗലയിലെ വീട്ടിൽ ശനിയാഴ്ചയാണ് സംഭവം. ആത്മഹത്യയാണെന്നണ് പ്രാഥമിക നിഗമനം.
ടെലിവിഷൻ സീരിയലുകളിലൂടെ ശ്രദ്ധനേടിയ സമ്പത്ത് അടുത്തിടെ രാജേഷ് സംവിധാനം ചെയ്ത ശ്രീ ബാലാജി ഫോട്ടോ സ്റ്റുഡിയോ എന്ന സിനിമയിൽ അഭിനയിച്ചിരുന്നു. ‘അഗ്നിസാക്ഷി’യാണ് സമ്പത്തിനെ ശ്രദ്ധേയനാക്കിയ ടെലിവിഷൻ പരമ്പര.
- Advertisement -
സമ്പത്തിന്റെ മരണവിവരം സുഹൃത്തും നടനുമായ രാജേഷ് ധ്രുവ സ്ഥിരീകരിച്ചു. ഇക്കാര്യങ്ങൾ വിശദീകരിച്ച് രാജേഷ് സോഷ്യൽ മീഡിയയിൽ വിഡിയോ പങ്കുവയ്ക്കുകയും ചെയ്തു. “മറ്റൊരാളുടെ ജീവിതത്തെക്കുറിച്ച് സംസാരിക്കുമ്പോൾ ശ്രദ്ധിക്കുക. നിങ്ങൾക്കറിയാത്ത ഒരു കാര്യം അറിയാമെന്ന രീതിയിൽ സംസാരിക്കാൻ എങ്ങനെ സാധിക്കുന്നു?”, എന്ന് കുറിച്ചുകൊണ്ടാണ് വിഡിയോ പങ്കുവച്ചിരിക്കുന്നത്.
- Advertisement -
