സ്വന്തം കുഞ്ഞിനെ തിരികെ ലഭിക്കാന് പോരാടുന്ന അനുപമയ്ക്ക് ഒപ്പമാണ് പാര്ട്ടിയെന്ന് എ വിജയരാഘവന്; അമ്മയ്ക്ക് കുഞ്ഞിനെ തിരികെ ലഭിക്കണം
തിരുവനന്തപുരം; സ്വന്തം കുഞ്ഞിനെ തിരികെ ലഭിക്കാന് പോരാടുന്ന അനുപമയ്ക്ക് ഒപ്പമാണ് പാര്ട്ടിയെന്ന് സിപിഎം സംസ്ഥാന സെക്രട്ടറിയുടെ ചുമതലയുള്ള എ വിജയരാഘവന്. നീതി ഉറപ്പാക്കാന് ഒപ്പമുണ്ടാകും.
അമ്മയ്ക്ക് കുഞ്ഞിനെ തിരികെ ലഭിക്കണം. വിഷയം ശ്രദ്ധയില്പ്പെട്ടപ്പോള് തിരുവനന്തപുരം ജില്ലാനേതൃത്വം ഇടപെട്ടതാണ്. നിയമപരമായി പരിഹാരം കാണേണ്ട വിഷയമാണിത്. പാര്ട്ടി തലത്തില് പ്രശ്നം പരിഹരിക്കാനാകില്ല.
ഒരു തെറ്റിനെയും പാര്ട്ടി പിന്താങ്ങില്ല. ബന്ധപ്പെട്ട മന്ത്രി അനുപമയുമായി സംസാരിച്ചു. പാര്ട്ടി അറിഞ്ഞാണ് കുഞ്ഞിനെ ദത്തുനല്കിയതെന്ന ആരോപണം എ വിജയരാഘവന് തള്ളി.