ഗുരുവായൂരിൽ ദേവസ്വം ക്വാട്ടേഴ്സ് ഇടിഞ്ഞു താഴ്ന്നു; ഒഴിവായത് വൻ ദുരന്തം

തൃശൂർ: ഗുരുവായൂർ ദേവസ്വം ബോർഡ് ക്വാട്ടേഴ്സ് ഇടിഞ്ഞു താഴ്ന്നു. ഗുരുവായൂർ തെക്കേ നടയിൽ ദേവസ്വം ജീവനക്കാർക്ക് താമസത്തിനായി പണികഴിപ്പിച്ച ക്വാട്ടേഴ്സ് കെട്ടിടമാണ് ഇടിഞ്ഞു താഴ്ന്നത്. ഇന്ന് വൈകീട്ട് ആറ് മണിയോടെയാണ് അപകടം.

മൂന്ന് നില കെട്ടിടമാണ് അപകടത്തിൽ പെട്ടത്. തറ നിരപ്പിൽ നിന്ന് നാലടിയോളം കെട്ടിടം താഴ്ന്നു.

ഈ സമയത്ത് കെട്ടിടത്തിലെ രണ്ട് ഫ്ലാറ്റുകളിൽ ആളുകളുണ്ടായിരുന്നു. എന്നാൽ ശബ്ദം കേട്ട് ഇവർ ഉടൻ പുറത്തേക്ക് ഓടിയതിനാൽ വൻ ദുരന്തം ഒഴിവായി.