ദില്ലി: ലോക നേതാക്കളുടെ അപ്രൂവൽ റേറ്റിംഗിൽ ഒന്നാം സ്ഥാനത്ത് ഇന്ത്യൻ പ്രധാനമന്ത്രി നരേന്ദ്രമോദി. മോണിംഗ് കൺസൾട്ട് പൊളിറ്റിക്കൽ ഇൻറലിജൻസാണ് ഈ പട്ടിക പ്രസിദ്ധീകരിക്കുന്നത്. ഓസ്‌ട്രേലിയ, ബ്രസീൽ, കാനഡ, ഫ്രാൻസ്, ജർമ്മനി, ഇന്ത്യ, ഇറ്റലി, ജപ്പാൻ, മെക്‌സിക്കോ, ദക്ഷിണ കൊറിയ, സ്‌പെയിൻ, യുകെ, യുഎസ്എ എന്നീ രാജ്യങ്ങളിലെ രാഷ്ട്ര തലവന്മാരാണ് ഈ പട്ടികയിൽ ഉള്ളത്.
സെപ്തംബർ 2ന് പ്രസിദ്ധീകരിച്ച അപ്‌ഡേറ്റ് പ്രകാരം പ്രധാനമന്ത്രി നരേന്ദ്രമോദിയുടെ അപ്രൂവൽ റേറ്റിംഗ് 70 ശതമാനത്തിലാണ്. മെക്‌സിക്കൻ പ്രസിഡൻറ് ലോപ്പസ് ഓബ്‌റഡാറോയാണ് രണ്ടാം സ്ഥാനത്ത് ഇദ്ദേഹത്തിൻറെ റേറ്റിംഗ് 64 ശതമാനമാണ്. അമേരിക്കൻ പ്രസിഡൻറ് ജോ ബൈഡൻ ഈ പട്ടികയിൽ അഞ്ചാം സ്ഥാനത്താണ് ഇദ്ദേഹത്തിൻറെ റേറ്റിംഗ് 48 ശതമാനമാണ്. ജാപ്പനീസ് പ്രധാനമന്ത്രി യോഷിഹിഡെ സുഗായാണ് ഈ റേറ്റിംഗിൽ ഏറ്റവും അവസാനം അദ്ദേഹത്തിൻറെ റേറ്റിംഗ് 25 ശതമാനമാണ്.
- Advertisement -
മെയ് മാസത്തോടെ മോദിയുടെ അപ്രൂവൽ റേറ്റിംഗിൽ ചെറിയ ഇടിവ് സംഭവിച്ചെങ്കിലും ആഗസ്റ്റ് മാസം കഴിയുമ്‌ബോൾ അത് കൂടിയെന്നാണ് മോണിംഗ് കൺസൾട്ടിൻറെ ഗ്രാഫുകൾ നൽകുന്ന സൂചന. 2,126 സംപിളുകളിൽ നിന്നാണ് ഇത്തരം ഒരു ഡാറ്റ തയ്യാറാക്കിയത് എന്നാണ് കണക്കുകൾ പറയുന്നത്.
- Advertisement -
