തിരുവനന്തപുരം: കെഎസ്ആര്ടിസിയിലെ ശമ്ബള പരിഷ്കരണം അനിശ്ചിതമായി വൈകുന്നതില് പ്രതിഷേധിച്ച് തൊഴിലാളി സംഘടനകള് നവംബര് അഞ്ചിന് പണിമുടക്ക് പ്രഖ്യാപിച്ച സാഹചര്യത്തില് മുഖ്യമന്ത്രി വിളിച്ച മന്ത്രിതല യോഗം ഇന്ന് ഉച്ചതിരിഞ്ഞ് മൂന്ന് മണിക്ക് ചേരും.
ചാര്ജ് വര്ദ്ധന ആവശ്യപ്പെട്ട് സ്വകാര്യ ബസ് ഉടമകള് നവംബര് ഒമ്ബത് മുതല് സര്വ്വീസ് നിര്ത്തിവയ്ക്കുമെന്ന് പ്രഖ്യാപിച്ചിട്ടുണ്ട്. ഇക്കാര്യവും യോഗം ചര്ച്ച ചെയ്യും. ഗതാഗത മന്ത്രി ആന്റണി രാജു, ധനമന്ത്രി കെ എന് ബാലഗോപാല് എന്നിവര് ചര്ച്ചയില് പങ്കെടുക്കും.
- Advertisement -
കെഎസ്ആര്ടിസിയിലെ ശമ്ബളപരിഷ്കരണം ചര്ച്ച ചെയ്യാന് കഴിഞ്ഞ ദിവസം എംഡി വിളിച്ച് ചേര്ത്ത യോഗം തീരുമാനമാകാതെ പിരിഞ്ഞിരുന്നു. പണിമുടക്കുമായി മുന്നോട്ട് പോകുമെന്ന് തൊഴിലാളി യൂണിയനുകള് ഇതിന് ശേഷം അറിയിച്ചത്. പ്രതിപക്ഷ ട്രേഡ് യൂണിയനായ ടിഡിഎഫ് നവംബര് 5 , 6 തിയതികളിലും എംപ്ളോയീസ് സംഘ് നവംബര് 5 നും പണിമുടക്കും.
- Advertisement -
