തൃശൂര്: പലവട്ടം മാറ്റിവച്ച തൃശൂര് പൂരം വെടിക്കെട്ട് ഇന്ന് നടത്താന് ഒരുക്കങ്ങളായെങ്കിലും മഴ ഭീഷണി തുടരുന്നു. ഉച്ചയ്ക്ക് ഒരു മണിക്കു വെടിക്കെട്ടു നടത്താനായിരുന്നു രാവിലെ തീരുമാനിച്ചത്. ഒരുക്കങ്ങള് പുരോഗമിക്കുന്നതിനിടെ മഴയെത്തി. മഴ മാറിയാല് ഇന്നു തന്നെ വെടിക്കെട്ടു നടത്താനാണ് തീരുമാനം.
വെടിക്കോപ്പുകള് ഇനിയും സൂക്ഷിക്കുക പ്രയാസമാണെന്നും എത്രയും പെട്ടെന്നു വെടിക്കെട്ടു നടത്താനാണ് തീരുമാനമെന്നും റവന്യൂ മന്ത്രി കെ രാജന് പറഞ്ഞു.
- Advertisement -
തുടര്ച്ചയായുള്ള കനത്ത മഴയ്ക്ക് ശേഷം ഇന്നലെ ഉച്ചയ്ക്ക് ശേഷം കാര്യമായി മഴ പെയ്യാതിരുന്നതോടെ മണ്ണിലെ നനവിന് ചെറിയ കുറവുണ്ട്. വെടിക്കെട്ടിനായി എല്ലാം സജ്ജമെന്ന് തിരുവമ്പാടി, പാറമേക്കാവ് ദേവസ്വങ്ങള് അറിയിച്ചു.
ഈ മാസം 11നായിരുന്നു തൃശൂര് പൂരം. കനത്ത മഴയെത്തുടര്ന്നാണ് 11 ന് പുലര്ച്ചെ നടക്കേണ്ട വെടിക്കെട്ട് മാറ്റി വയ്ക്കുകയായിരുന്നു. പിന്നീട് രണ്ട് തവണ തീയതി നിശ്ചയിച്ചെങ്കിലും കാലാവസ്ഥ അനുകൂലമായില്ല.
- Advertisement -
