സിൽവർലൈൻ പദ്ധതിക്ക് സാമൂഹികാഘാത പഠനസർവ‌േ നടത്താൻ അനുമതിനൽകിയിട്ടില്ലെന്ന് കേന്ദ്രസർക്കാർ പറഞ്ഞിട്ടും സർവേ തുടരുന്നത് വിശ്വസിക്കാൻ ബുദ്ധിമുട്ടുണ്ടെന്ന് ഹൈക്കോടതി

കെ-റെയിൽ സ്‌പെഷ്യൽ ഓഫീസർ നൽകിയ കത്തിന്റെ അടിസ്ഥാനത്തിലാണ് കെ-റെയിൽ എന്ന് രേഖപ്പെടുത്തിയ കല്ലിടാൻ അനുമതിനൽകി സർവേ ഡയറക്ടർ ഉത്തരവിറക്കിയതെന്നും സർക്കാർ അറിയിച്ചു.

സർവേ ഇപ്പോഴും നടക്കുന്നുണ്ടെന്ന കോടതിയുടെ ചോദ്യത്തിന് ജിയോ ടാഗ് ഉപയോഗിച്ച് നടത്തുന്നതായി സർക്കാർ വിശദീകരിച്ചു. ഇതല്ലേ ആദ്യംമുതൽ പറയുന്നതെന്ന് കോടതിയും പ്രതികരിച്ചു. ഇടക്കാല ഉത്തരവ് പാലിച്ചിരുന്നെങ്കിൽ ഇപ്പോൾ സർവേ പൂർത്തിയാകുമായിരുന്നു. സുപ്രീംകോടതിവരെ ഉത്തരവിട്ടിട്ടും ഇപ്പോൾ എവിടെ എത്തിയെന്നും കോടതി വാക്കാൽ ചോദിച്ചു.