കോഴിക്കോട്: ഓടിക്കൊണ്ടിരുന്ന സ്കൂട്ടറിന് മുകളില് തെങ്ങ് കടപുഴകി വീണ് യാത്രക്കാരന് മരിച്ചു. വടകര കുന്നുമ്മായീന്റവിടെ മീത്തല് പവിത്രന് (64) ആണ് മരിച്ചത്. ഞായറാഴ്ച ഉച്ചയോടെയായിരുന്നു അപകടം.
വീട്ടില് നിന്നും വില്യാപ്പള്ളി ടൗണിലേക്ക് സ്കൂട്ടറില് പോകുന്നതിനിടെ ആയിരുന്നു അപകടം ഉണ്ടായത്. ഇടവഴിയിലൂടെ മുന്നോട്ട് പോകുമ്പോള് തെങ്ങ് കടപുഴകി മുകളിലേക്ക് വീഴുകയായിരുന്നു. തെങ്ങിനും സ്കൂട്ടറിനും ഇടയില് പെട്ടുപോയ പവിത്രനെ നാട്ടുകാര് ചേര്ന്ന് തെങ്ങ് മുറിച്ച് മാറ്റിയാണ് ആശുപത്രിയില് എത്തിച്ചത്. അപ്പോഴേക്കും മരണം സംഭവിച്ചു.
അച്ഛന്: ദാമോദരന്. അമ്മ: കുഞ്ഞിമാത. ഭാര്യ: റീത്ത. മക്കള്: ഐശ്വര്യ, അശ്വതി
- Advertisement -
