കൽക്കരിയുടെ ലഭ്യതയിൽ വൻ ഇടിവ്; വൈദ്യുതി ഉപയോഗത്തിൽ സ്വയം നിയന്ത്രണം ഏർപ്പെടുത്തണമെന്ന് മന്ത്രി

കൽക്കരിയുടെ ലഭ്യതയിൽ വൻ ഇടിവ് നേരിട്ടതിനാൽ, ഉത്തരേന്ത്യയിലെ താപവൈദ്യുതി നിലയങ്ങളിലടക്കം ഉത്പാദനത്തിൽ കുറവ് അനുഭവപ്പെടുന്നുണ്ട്. ഇതുമൂലം ദീർഘകാല കരാർ പ്രകാരം കേരളത്തിന് ലഭിക്കേണ്ടിയിരുന്ന വൈദ്യുതിയിൽ ഗണ്യമായ കുറവുണ്ടാകുന്നുണ്ട്. ഈ കുറവ് പരിഹരിക്കുന്നതിനുള്ള ശ്രമം വൈദ്യുതി ബോർഡ് നടത്തുന്നതിനാൽ വൈദ്യുതി നിയന്ത്രണം ഉണ്ടാകില്ല.

എന്നാൽ എല്ലാ ഉപഭോക്താക്കളും പീക്ക് സമയത്ത് (6.30 pm 10.30 pm) വൈദ്യുതി ഉപയോഗത്തിൽ സ്വയം നിയന്ത്രണം ഏർപ്പെടുത്തി സഹകരിക്കണമെന്ന് ബഹു.വൈദ്യുതി മന്ത്രി കെ കൃഷ്ണൻകുട്ടി അഭ്യർത്ഥിക്കുന്നു.