ഡൽഹി: രാജ്യത്ത് ഡീസൽ വിലയിൽ വീണ്ടും വർധനവ്. 26 പൈസയാണ് ഇന്ന് വർധിപ്പിച്ചത്. കോഴിക്കോട് ഡീസൽ വില ലിറ്ററിന് 94 രൂപ 72 പൈസയാണ്. നാല് ദിവസത്തിനിടെ മൂന്നാം തവണയാണ് ഡീസൽ വില കൂട്ടുന്നത്. പെട്രോൾ വിലയിൽ മാറ്റമില്ല.
ഒരു ഇടവേളയ്ക്ക് ശേഷമാണ് ഡീസൽ വില വർധിപ്പിക്കുന്നത്. മെയ് 4 മുതൽ ജൂലൈ 17 വരെ 9 രൂപ 14 പൈസയാണ് ഡീസലിന് വർധിപ്പിച്ചത്. പെട്രോളിന് 11 രൂപ 44 പൈസയും കൂട്ടിയിരുന്നു. ഇതോടെ പെട്രോൾ വില 100 കടക്കുകയായിരുന്നു.